Estibaliz Urresolaren lehen lanak 3 sari lortu ditu Malagako Zinemaldian:
– Film Onenaren Urrezko Biznaga
– Emakumezko Taldeko Antzezpen Onenaren Zilarrezko Biznaga Patricia López Arnaizentzat
– Feroz Puerta Oscura Saria
Filmak arrakasta lortu du Malagako Zinemaldian, Berlinalen ere hala egin ondoren; bertan, Sofía Otero protagonistak Antzezpen Onenaren Zilarrezko Hartza eskuratu zuen, 9 urte besterik ez zituela. Gainera, lanak Guild Film Prize saria eta Berlinale Morgenpost Readers’ Jury Award epaimahaiaren saria irabazi zituen Berlinen.
Zuzendari basauritarraren lanak, beraz, nazioarteko 6 sari batu ditu dagoeneko.
‘20.000 especies de abejas’ datorren apirilaren 21ean iritsiko da zinema-aretoetara Bteam Pictures-en eskutik.
